Məxfilik siyasəti

Son yenilənmə: 2026

Şirinlik platforması diplom, attestat və ya hər hansı təhsil sənədi hazırlamır, onların doğruluğunu təsdiqləmir və rəsmi dövlət xidməti deyil. Platforma yalnız uğur sevincinin paylaşılması üçün fərdi təbrik səhifəsi yaradır. Yüklənən sənədlərin və yazılan məlumatların məzmununa görə məsuliyyət istifadəçinin üzərindədir.

1. Hansı məlumatları toplayırıq?

• Hesab məlumatları: email ünvanı (giriş üçün), istəyə bağlı ad və əlaqə (WhatsApp) nömrəsi. Nömrə ödənişin təsdiqi, dəstək və platforma yenilikləri barədə məlumatlandırma üçün istifadə olunur; heç vaxt public səhifədə göstərilmir və üçüncü tərəflərə satılmır. Nömrəni istənilən vaxt profil bölməsindən silə bilərsiniz.
• Səhifə məzmunu: ad, soyad, universitet, ixtisas, məzuniyyət ili, şəxsi mesaj və yüklədiyiniz fayllar.
• Texniki məlumatlar: IP ünvanı (yalnız təhlükəsizlik və spam qorunması üçün, analitikada hash edilmiş formada), brauzer məlumatı.
• Ödəniş məlumatları: sifariş və ödəniş statusu. Kart məlumatları bizim serverlərimizə düşmür — ödəniş provayderində emal olunur.

2. Diplom faylları necə qorunur?

• Fayllar public qovluqda deyil, private storage-da saxlanılır.
• Fayla giriş yalnız müddəti məhdud, kriptoqrafik imzalı link vasitəsilə mümkündür.
• Bütün media cavablarında X-Robots-Tag: noindex göndərilir — diplom faylları axtarış sistemlərində indekslənmir.
• Diplomun görünmə rejimini siz seçirsiniz: açıq, blur edilmiş, giriş kodu ilə qorunan və ya tamamilə gizli.
• Yükləmə zamanı FIN, seriya nömrəsi və QR kodu fayldan həmişəlik silmək üçün alət təqdim olunur.

3. Məlumatlar kimlərlə paylaşılır?

Şəxsi məlumatlarınızı satmırıq və reklam məqsədilə üçüncü tərəflərlə paylaşmırıq. Yalnız aşağıdakı hallarda məlumat ötürülür:

• Ödəniş provayderi — ödənişin emalı üçün zəruri minimum məlumat.
• Email provayderi — giriş kodu və bildirişlərin göndərilməsi üçün.
• Qanunla tələb olunduqda — səlahiyyətli dövlət orqanlarına.

4. Public səhifədə nə görünür?

Yalnız sizin səhifəyə əlavə etdiyiniz məlumatlar. Email ünvanınız, telefon nömrəniz və tam kart nömrəniz heç vaxt səhifədə göstərilmir. Kart nömrəsi maskalanmış formada (**** **** **** 1234) göstərilir və tam dəyər yalnız ziyarətçi “Kopyala” düyməsinə basdıqda serverdən verilir.

5. Axtarış sistemləri

Məzun səhifələri axtarış sistemlərində görünmür. Hər səhifəyə noindex qoyulur və heç bir səhifə sitemap-a əlavə edilmir — link yalnız sizin paylaşdığınız şəxslərə açıqdır.

6. Məlumatların saxlanma müddəti

• Səhifə məlumatları — paket müddəti bitənə və ya siz silənə qədər.
• Ödəniş qeydləri — maliyyə auditi üçün anonimləşdirilmiş formada saxlanılır.
• Giriş kodları — 2 dəqiqə sonra etibarsız olur.

7. Hüquqlarınız

• Məlumatlarınıza baxmaq və düzəliş etmək.
• Səhifənizi istənilən vaxt gizlətmək və ya silmək.
• Hesabınızı tam silmək — bu zaman bütün səhifələr, fayllar və mesajlar həmişəlik silinir (Panel → Təhlükəsizlik).

8. Cookie-lər

Yalnız zəruri cookie-lər istifadə olunur: sessiya (giriş) və təhlükəsizlik. Reklam və izləmə cookie-ləri istifadə etmirik.

9. Əlaqə

Məxfiliklə bağlı sualınız varsa shirinlik.online üzərindən bizimlə əlaqə saxlaya bilərsiniz.